一個答案 ~~~~~~~~~~~~~~~~

今天晚上的朋友聚餐中.... 又有一個朋友問我 "依家你唔駛返工,平時做D咩架?", 這個問題,已經不記得被問了多少次,但每次的答案,都會令我不安...不安感來自於....好像突然不懂表達.不懂怎樣用一言兩語令人明白我現在的生活...恍惚每次都是答完等於無答....這個感覺今晚同樣出現...

與之前數次一樣,我會答: "做D自己鐘意做既野啦,例如:睇下書,學下投資,煮下飯,讀下兒童發展,諗下未來自己想點..等等.." , 之後每次都會覺得答得好差,好似講唔到想講既重點...

回家途中,諗到..不如答 :"um...甘我問你,如果你唔駛返工,你又會想做D咩呢?" 對方既答案可能不外乎吃喝玩樂,之後我會追問: "甘吃喝玩樂之外,你又會想點呢?" .... 我估計這個問題的答案會與我希望同大家分享的答案相近..

我的信念是,當每個人能放下現實的包袱,心靈所需都被滿足時,便會打從心底希望做一些自己平時未必做到但鐘意做既野...而 "鐘意做既野" 每個人都唔同,無標準答案,亦沒有數量的限制,可以是無限的...
或許是這樣,每次的答案都不滿意的原因,應該是內容只描述我心中想表達的冰山一角,只說明了認為別人可以理解的一角~

讓我在這嘗試一下其他答案,或許從另一個角度回答:

"重點應該唔係做D咩,而係我希望可以利用呢段時間,思考自己對世界的價值,在不斷提升個人認知領域同時,從中尋找熱誠(PASSION),透過合適渠道(PLATFORM)來發揮自身能力,影響一些事與物,令世界變得更好.為尋找未來10年,20年,30年的工作方向與目標努力"

寫這個答案的過程,用了5分鐘,感覺好得多,似乎是我心裡所想.....但再想想,似曾相識,其實每次這個答案都在咀邊,總是講不出口,為什麼呢?

UM...可能覺得這類答案好飄渺,不太實在,擔心別人未必能即時理解/認同...
UM...會不會自己想太多,別人應該會理解得到? 其實...需要在乎別人認同嗎??
UM...會不會是擔心別人追問自己..."甘諗到咩結果?".....事實上,"答案" 仍在尋求中...

如果是這樣也好,代表每次這個問題的出現,表示再次提醒自己,答案仍然未找到,要加把勁!!!
期待找到答案的那天來臨...Just a "believe"...I can figure it out !!!