畢業相~~~~~

首先恭喜肥ca大學畢業 !!!! 恭喜恭喜恭喜恭喜恭喜~~~~~

真的十分喜歡這些相......喜歡我們真情發傻的一面.......

謝謝阿東, 你令我們能夠保留這一刻..... 亦要謝謝你地3位傻婆....冇你地, 我點撐得住??

嘻.....心照啦 ~~really thx !! ^O^

出事了~~~~~~~

"苯豬" 腳頭真係麻麻..... 短短數天, 頻頻 '出事' .....

第一日 : 太興奮了..不知不覺超了速...3天後收到 police 既信...要罰$ & 扣分....
第二日 : 練泊車練到自己好炆.....心情煩燥....
第四日 : 行錯路...cut 線唔切...炒上'博' !! 爆左o太...架車斜晒.... 繼續拖行十公里...最後個o太爛晒.....
第六日 : 又行錯路...遲晒到.... 夜晚發現車尾冇端端凹左......

好彩唔係新車.... 如果係....幾日搞成甘...真係想殺人 !!! >.<

bUncHu 的誕生~~~~~~~~

登登登登 !!!!! 隆重介紹~~~~~~yo's family 新成員.....bUncHu出場 !!!!!!!

佢07年1月10日出生, 身高1米.....擁有2隻大眼睛... 健碩的身驅.....腰圍足足有10多米, 善於帶我走來走去....同經常唱著我愛聽的歌~~~~~

為左佢.....令我忐忑左半年.....因為佢....証明了之前認為不可能的事發生了.....

記得3年半前... 大佬問我去唔去考牌....當時我死都唔肯.... 原因? 因為我話驚有意外..覺得自己係一個路盲...又大頭蝦....一定有問題....
甘點解會學?? 呢個要多謝佢...全靠佢當時一句 " 學啦...我資助你 !! " 貪小便宜的我就甘考左啦 !! 仲要1 take 添..haha

之後3年來都未曾想過自己會揸車...睇車...欣賞車...甚至買車 !!! 成事只因 "機遇" ~~

"機" : 當接觸機會多, 就會覺得件事近左, 關自己事....#12 屋企架車....絕對是速成bUncHu誕生的幕後黑手!!!
"遇" : 上一年的工作際遇, 令我好想好想獎勵一下自己...這個動力都是令事情發生的主因 !!!

這半年來實在好忐忑...又想買...又想放棄....上28car.com 上左n甘多次....睇車都睇左十次.....都係決定唔到....終於選擇了bUncHu , 這是緣份吧 ^o^ ~~~

下一步....就係要戰勝仍然好 au 低既 迫車及 認路 .....要加油 ~~~
有機會帶bUncHu 出黎見下大家...帶佢去見識多d...哈哈哈 !!!!!

10cm ~~~~~

一跳...後面隨即 "呼......" 一聲，嚇破了膽 !!!!!!!!!!!!!!

只差10 cm ,便成為一宗交通意外的主角.....發現的時候附近的人比我還著急，巴士司機立即停下來看看....

大抵我看不到事發經過...有多驚險也是他們告訴我的..接著便是大家破口的嚴厲忠告 !!!!
餘下的路程，不斷在想如果真的發生，我會變成怎樣？....越想越不敢想....

僥倖真的沒事發生....對不起令你們擔心...日後我會加倍留心....sorry ~~

Christmas days ~~~~

"一擲千金定向"party ~ 勁遲到羊肉粉BBQ ~ 靚靚尖咀CWB 氣氛一日遊 ~ 連續3年OOSH BBQ ~ 揸住賓治睇日落 ~ 恐慌大閘蟹地震宴 ~~~

幾天假期,就這樣過了.... 雖然沒有以往小時侯那麼興奮的期待來臨, 但依然有從心滿足，享受每一刻的感覺~~

節日往往是大家共同的回憶指標，說起節日發生的事....即使是一頓普通的晚餐，也會變得份外深刻....不易忘記....開心也會比平常sweet呢～ 願大家都擁有難忘的 xmas !!

今年的願望，是下年可以去海外感受滿街老外的白色聖誕 ...唔知可唔可以實現呢？

我們在華欣 Aleenta ~~~~

~~~~~~



















http://www.aleenta.com/

睇燈飾~~~

難得幾位"自由行" 聚首一堂去維港海旁睇燈飾... 映張大合照先 !!
雖然好似俾人"滾"左 ...不過都應該好過用手機既 ~~~
朋友就是這樣....感情是不會因少見而掉淡的...我們依然是餐廳內最嘈的食客....依然是彼此最好的聽眾 !!!

TATA young ~~~~~~

極力推介這位泰國天后 TATA YOUNG !!! 這可算是泰國 trip 其中一大收獲 ....

多得 " 喪坤 " 才能認識她.....立即o向當地買佢隻album ...... 一聽......立即愛上她 ~~
睇埋碟內的 interview vcd .......這才叫天后級歌星.... o個種 passion & fascination 真係感染到你 !!
想起香港的天后..... 真的.....哎...... 算了 ~~

順帶一題.....tata young 未紅時 d 泰文歌... 可能係泰文關係, 可以不理....哈哈 !!!

真正假期~~~~~~

期待以久的長假期終於接近尾聲, 除了去泰國華欣relax 之外....回到香港還做了很多事情....

~ 做下spa ...
~ 整下個頭...
~ 搵 freind 食下飯...
~ 訓下中午覺...
~ tea tea 下...
~ 無聊下...
~ 做下cheap labour...

真正的假期就是不用理會時間..... 不用跟時間比賽.... 想做咩就做咩......隨心所欲....
細心留意.... 給人relax 的地方原來是沒有時鐘的......這樣才能令人忘卻時間, 盡情享樂......

要長期擁有這種"假期"的生活......嘻嘻.....得一個可能性...就係做灰姑娘...唔駛做..."有人養"啦....哈哈哈哈 !!!!!

發完夢了....醒下啦 !!!!!!!!

醒了.... 要準備面對堆積的工作啦 >.<

p.s. 泰國華欣 trip 有幾好玩 ?? 下回分解 ~~ :)

女人錢~~~~~

唉....又再一次証明女人錢係好易賺......

明明只是打算陪朋友做負離子直髮, 自己只染一染髮.......點解最後會攪到自己坐左幾個鐘...染髮變左數碼電髮,染髮+焗油...放低左千幾蚊架....激死.......... -_-

好彩效果都 OK.....如果唔係真係後悔死啦 ~~

活著~~~~

一個電話.....幾句說話......流下了淚.......
怪自己什麼也幫不上........連說句話都像結了巴......始終未經歷過也不想經歷.......

感受到你的痛.....今日不像昨天的你......這叫我更加心痛......
上天不斷給予提醒.....叫我們如何珍惜身邊一切, 要堅強活下去......
緊記.....令自己活得健康快樂, 就是給予身邊人最大的禮物 .....
~~衷心希望她會過得開心快樂~~

......掛起電話, 見到媽媽, 她真的是如此美麗可愛, 放心, 我會活得幸福快樂的 !!!!

BACK to normal ~~~~~~

經過數月來的奮戰........一切都已回復正常.......終於可以過回以往的生活........

返工....放工...約人食飯....
放假.....訓覺...打機.....睇波......
出街....買野....散步.....食糖水.....
睇電視.....吹水.....睇戲......發夢......
拍拖......探親......探朋友......旅行.......


原來, 我真的如此喜歡這種簡單的生活, 心態改變了嗎?? 不知道....總之 " 活得開心" 就夠了 ^o^

回報~~~~

終於渡過了艱難的放逐期~~~~
終於搬了........完成了......征服了...2萬多呎的裝修搬遷工作~~~
當中有血有淚......有苦自己知...
天天都要跟不同的 "農民"過不去.....文化差異令自己變得更暴燥......為什麼要破口大罵才能令你們明白呢 ?? 難道你們只懂欺善怕惡, 只懂吹牛嗎 ??

算了....經過此役, 令我更體會到這樣才能令大家的工作順利一點, 平常我不喜歡罵人,但既然你們接受, 我只好奉陪~~~

就是這樣, 天天不是罵人, 便是在3層樓間走來走去....當看漏他們一點, 便會出錯.....晚上還要趕及各項文件工作......

我得到什麼 ??? 我的回報是.....

1) 喉嚨痛, 聲沙了
2) 雙腳浮腫, 靜脈曲張 (大抵是我一次過做了半年運動才搞成這樣, 都怪自己平日沒有運動)
3) 全身酸痛 ( 原因同上)
4) 嚴重睡眠不足
5) 體重上升, 誰說辛苦會瘦??!! 壓力大, 當然要獎勵一下自己, 而令自己開心唯有"食"....所以....


以上回報一次過奉還給我, 身體各部份像要投訴我為什麼要這樣對它們....它們發火了...它們要報復.....

就是這樣, 一病便病了3天.......記憶中沒有這樣長的一次.....或許年紀真的大了......

不能出現第四天......因仍有一杖等著我.......一定能捱得過的!!!!!!

方程式~~~~

人 = 吃飯 + 睡覺 + 工作 + 玩
豬 = 吃飯 + 睡覺

人 = 豬 + 工作 + 玩
人 - 玩 = 豬 + 工作

.'. (結論 )不會玩的人, 等於一隻會工作的豬~~~~

好想放假呀~~~~~

GOD~~~~ 快d快d快d到11月尾啦唔該...好想好想好想放假呀....依家真係好辛苦呀!!!!! >.< 我要放假!!!!!!!!!! 如果我係相人就好啦～～～～～

Long time no see ~~~~

好開心見返大家啊.....這天晚上的時間過得特別快.....想當年你地幾個"o靚仔"的話題都是離不開天官的鎖事同放學玩ｄ咩.....依家大家進入另一階段了....會關心自己的發展方向和人生目標....

大師：估唔到你想讀 psychology, 真係好好玩架，到時要做實驗時，可以考慮搵我做 sample 喎！

番簡：未來IT人喎....為左增強你的經驗值，俾個機會你幫我整電腦啦！！

ＳＹ : 做會計要不斷增值自己，要加油啊！今次見你發覺你比之前成熟左呢！！

德仔：歲月摧人老，可唔可以教下我點樣保養個樣呀？好羨慕你啊！哈哈！要ＫＥＥＰ住你依家份自信呀！！

大家樂：唔好成日掛住”ｘ”人啦！如果知道點樣減下身，記得教我呀！我好明白你既感受！

棋子：你依舊係甘不羈....不過做Designer 係要有d style 至型既．．．哈！


雖然大家都長大左．．．但估唔到你地依然甘貪玩．．多謝你們帶我回到機舗．．．玩盡各種遊戲update 下我．．同你地吹水真係令我心態上可以後生返少少呢~~

陳皮妹~~~~

恭喜晒~~ 恭喜u-ling 榮升媽媽, 我都升為阿姨級啦.....睇下陳皮妹幾得意? 眼仔look look ...佢第三張相既表情係經過我地車輪抱之後既驚嚇樣....哈...好搞笑!!!

懷胎七月~~~

打從4月開始....吃力不討好的大型project 已進入最後階段.....辛辛苦苦過了7個月,終於看見了初型....
而明天便要決定開刀日期了, 很緊張.....能夠在預產期順利過渡, 母子平安嗎? 還看上天的安排...
現在只有不斷跟自己說 :"已儘了最大的努力....一切順期自然吧"

垃圾餐~~~~

為了慶祝國慶.....4個傻婆選擇了食垃圾餐......連"媽咪麵" 都有..... non stop 食了一整晚 ......哈哈...實在瘋狂 !!!
腸胃淋巴們,辛苦你們了....要努力幫我焚化它們啊, 否則肚子會再長多一層肉 呢 >.< !!

母校~~~~

前幾天路過我成長的地方, 心血來潮想進去望一眼.........

.....發現圍欄加高了, 日後再不可能把排球打入草叢了.....
.....當年每天都留下腳印的多功能球場依然是這麼小, 相信是全港最小的呢.....
.....以往PE堂必到的儲物室竟變了一個電視台.....
.....看到小食亭的規模,肯定沒有 "漢記" 4 蚊淨麵賣了.....
....."x" 的長椅勾起了當年4社苦練啦啦隊的回憶.....

日子過得太快了, 閃眼間已過8年..在那渡過的5年日子裡....確實帶給我無限的回憶與快樂...

回憶說不儘, 永遠在心中....

http://www.twgss.edu.hk/... 哈哈..無無聊聊, 登記左做校友...唔知點解, 突然好想了解多些現在的荃官..... 睇下依家變成點 ~~