最近娛樂~~~~~

1) 電影 "cars" ---推介之作, 必睇中文配音
2) 電影 "超人" --- 悶戲一套，劇情老套，不太make sense 呢
3) SOFTHARD06表現SHOW--- 好好的發洩工具，大叫一場之後人都會開心d
4) Death Note 12期大結局 ---未睇完，好緊張
5) One Piece --- 極力推薦下，睇左頭５集，都OK喎，今次真係有排追啦.....
6) 新金田一 --- 等緊朋友仔借俾我睇，話同之前ｄ橋差唔多喎．．甘冇貨？！
7) Super Mario --- 的起心肝繼續打未完的第4第6版．．．

點解甘無聊寫呢個Topic ?? 因為今日訓得太多，搞到凌晨１點仲眼光光，冇野做咪寫 law -O-
　

放假~~~~~~

<星期五>
返左大陸開會, 火都黎埋, 大陸人做野真係嚇死你, 搞到一鑊粥, 要勁執手尾 >.< ,

<星期六>
難得的短週, 但擔心趕不上進度, 所以決定”執手尾”, 搞到放假都要work at home!!!
做下做下....突然自己同自己講, "為咩要甘博, 唔俾自己放假? "
另一方面又驚Ｄ野做唔切，矛盾左成個鐘，決定唔理甘多, 咩都唔理, 星期一先算....最多下星期狂 OT....

<星期日>
真的忘記了工作的一切, 盡情享受了悠閒的一天.....


<星期日晚上>
開始記回 " 那鑊粥 ", 明天一定要開TURBO, 感覺有點分裂, 又再擔心趕不上，還有其他十萬樣野等緊我.....
現在只可不斷說服自己, "沒問題的, 船到橋頭自然直”

這是一個過程，或許是必經階段，要學習放手，否則會成為第二個他們......影響健康呢!!

你的牛一~~~~

神秘的餐廳, 難忘的回憶, 記在心中~~~~~

牛一~~~~~

感激您們一個接一個的祝賀........

齊班後的首個party......
預料不到的出現......
簡單的儀式.........
特意的來臨........
10分鐘慶祝...........
會喊的禮物.......
人出人海的星期天.......
晒不黑的陽光.......
最後的祝賀.........

一句, thx all ~~~~~~

學懂~~~~~~~~

成長過程需要不段經歷, 事情已經過了一星期.....我學懂如何面對及處理.......

傷得越痛, 學得越深, 上年試過一次, 今年再試, 不同事情用上同一方法處理....竟然同樣湊效 , 把自己醫好....

1次.....2次....3次......4次.......當同一件事重覆說給不同的人聽時, 說到第5次, 事情就會出現變化........

感覺上自己變成了第三者, 抽離了局內人的身份, 客觀描述事情的經過, 理性分析事情的好壞........
如果5次不行, 便說 6 次....7次....8次...當你有以上感覺, 恭喜你, 你已成功勇敢地面對這件事.....

面對後要怎樣處理? 很難說, 反正心情已經平伏下來.....想對策也變得容易得多 .....
"5次的過程"確是辛苦, 但起碼我現在可以完全面對當天的所有人 , 包括面對自己的底線 !!

擊倒~~~~~

回家後份外疲累, 好像通了一晚宵 , 像是打了一場杖 .... 整天強忍的情緒實在令人透不過氣來......擊倒了, 這次真的被擊倒了.......

整個會議已作了最好的準備, 事情發展也比預期中理想, 各方反應完全在我掌握之內, 大致達到預期目的, 一心覺得大伙兒吃一頓飯能作好好的結尾, 誰知道.....

真的受不了, 受不了國內海龜派女魔頭的無理取鬧, 以衆人面前奚落別人為樂, 以前也聽個不少人被她傷害過, 想不到這次是我......

伴君如伴虎.....始終她是高層, 明知她胡說也要給面子, 明知可以有很多理據推翻也不會在衆人面前反駁她......結果唯有食這隻死貓.....

眼紅紅.....廿多年來未試過當衆滴淚, 很失禮......真的想不到, 原來她想我在那個時候當衆跟她說"對不起"

Shit !!! 做錯唔係我, 唔反你係我俾面你, 為左攞彩傷害人, 冇深度, 甚膚淺.......
我不會說對不起的...這是堅持......

情緒需要發洩, 老細也很明白....做了我的聆聽者......現在心情已經平伏, 但還未完全 recover....失望......為什麼要面對這樣的局面? passion 會慢慢減退嗎????

.......

".........." 死空氣造就胡思亂想, 數秒的沉默足以令人徹夜難眠, 要學習放開一點, 學習給予空間......

想不到因為這樣, 令我重遇他們......

回憶~~~~~

無無聊聊, 搵下書架有咩睇....搵到一本2年前的紀念冊.. 一本 由二十多位中學生寫給我的一番話....
生活實在忙碌, 現實令我們很快便忘記過去, 昔日的片段變得越來越模糊, 唯有靠日記,相片,書本等來回憶當初...

這本紀念冊令我回想起聖公會的一段日子,一段我跟學生們互相影響, 互相成長的經歷...他們在冊內提到很多令我感動的字句, 看到他們感謝我的同時, 真的想跟他們說: "多謝你們!! 看見你們的成長, 實在令我驕傲, 讓我可以更了解自己, 變得更有自信 !! 永遠記得你們在台上多謝我的一幕..... Thanks :) !!!!! "

不經不覺, 你們要考大學了, 祝大家今年A-Level 成功!! 加油 !!

控制~~~~~

"難自控" ...來形容我實在太合適了, 我真的拒絕不了零食的誘惑.....

今天朋友仔帶我去跳 "funky dance", 一種新興的舞蹈, 想跳是因為不想做欣宜, 一心希望將它變成習慣, 好好處理一下像被吹了氣的身軀....早上還說好不會吃什麼heavy 的食物的

結果, 失敗了, 跳舞前後吃了魚egg, 薯片, 一整包勁甜既糖 及一碗飯...
今日的努力白費了......

究竟我可以控制到自己, 堅持這樣做嗎?? ur......

大陣將~~~~

國內, $ 有很多用途, 要威要面也靠$$
百萬便可買起一隊軍隊為你舉行一場捐贈show, 在你面前步操,吶喊,響號, 更可在公安巡邏車上貼上公司名稱, 成為公司的戶外流動廣告...!!

最重要還是在一班海外分公司的核心人物面前顯威風, 勁!!!

寵兒~~~

最近寵兒~~~~

的士河~~~~~

做下做下...唔覺唔覺.....已經係凌晨12:30分....
終於check完日積月累的e-mail, 整理完日積月累的工作.......真的好累呢....準備走 ....
點知........大鑊!!! 冇帶key ...lock唔到公司門, 走唔到tim....
哎...甘夜, 又唔想驚動同事, 又唔想俾大家知我甘白痴.....
難得既短週唔通要通宵o向公司訓 >.< ????

灰灰灰.....十分灰.....

最後搞左好耐, 終於有神仙打救.......真的....世上只有爸爸媽媽好 , 佢地知道後即刻飛的士攞key救我....感動....

好彩......的士有六折...來回$360 ...算係甘...

其實好赤......無端端冇左幾舊水.....但意外的是竟然換來他們的一句話"幾廿年未試過遊的士河, 好開心" .... 幾百蚊換佢地既快樂, 都值得既......哈哈.....真係俾佢地激死 ^o^

幕後代言人~~~~~

貪小便宜既我, 聽到唔駛$試做減肥機, 即刻 lur 飯應啦 , 都預左會俾人夾架啦......咪當聽下d人點買花讚花香.....

經過一輪量度測試, 真係嚇親我, 佢地叫我減 25 磅 !!!!! 仲話如果我肯做幕後代言人, 1蚊都唔駛就可以減肥...... 好似好吸引....唔駛$喎, 最arm 我 ＾０＾

但好好笑，ｏ個度個個所謂顧問都肥ｏ都ｏ都，如果減完好似佢地敢，真係唔減好過減．．．．

最後當然冇上佢地當啦，但離開之後心裡總是有些介意．．．真係要減 25 磅咩？好灰．．．

價值~~~~~

喜歡車厘子回應的一句話.....

"價值，要看你是否依著世俗的尺來量度"

想了一下....在我看, 價值應該是依自己的感覺來量度, 覺得開心便有價值.....感覺越大, 價值越高...
但問題是, 同一件事也有不同的感覺, 要在乎站在那一個角度看......這也是往往下不定主意的原因...

如果這樣衡量的話......還是保持現狀最有價值 ~~~~ 哈哈

等價交換~~~~~

減去生活必需, 如果每個月要多花少少$ ,究竟做 d咩最值得 ?

*養車? - 之前真係好想買, 但經過身邊既人轟炸既反對, 都係暫時算.....
*供樓? - 覺得屋企實在太遠, 希望可以住番市區, 但當然要承擔供樓責任, 應該係話幫大佬供
*減肥? - 好想, 因為就快冇衫啱著,但太懶了, 唔通要學欣宜?
*學下野? - 想培養下興趣, 但冇咩idea , 我最大興趣係瞓覺~o~
*行街買衫? - 興趣唔大呢
*整下塊面? - 好想, 因就快想嘔, 但都係o個句, 懶 !!!
*享受一下? - 最想去旅行, 但冇時間, 定係試下學人做下spa, 浸下浴?

究竟$$要換什麼最有價值呢? 想來想去, 目的都只是想改變一下生活 .......

教訓~~~~~

從未試過收到一封信會驚到想哭, 這次真的受到教訓 !!
已記不起是我疏忽還是真的跌入陷阱, 但事實是這次真的受騙了.....

一天之間經歷高低起跌.....recharge完的第一天, 感覺分外起勁.....想不到放工時卻換來不快的心情...

朋友跟我說這是一個騙局, 可尋求法律上的意見, 應該不會有事...
但無論結果怎樣, 我還得先作最壞打算.....

錢財身外物....我不斷說服自己......最差的情況也不外乎是金錢上的損失.....當買一個教訓吧....心情會好過些.......但始終對我的工作上確是一個陰影......

但亦因為這樣, 我買車的計劃避迫要押後了...... :(

Relax ~~~~~~~~~

真正感受到何為渡假 ~~~

我是一個甚愛旅行的人, 近幾年來, 每逢有數天連續假期都會離開香港, 感受這個世界....

當人大了, 心態上明顯出現了轉變 ......

回想 4、 5 年前, 旅行的目的是想見識多些, 發掘多些新奇好玩的事,儘量要把握所有時間去不同的地方,境點.....最好是有周詳的計劃, 一大早便要起床離開酒店, 堅持從不待在酒店.....因總是覺得很浪費時間.....

幾年後....變了...或許是生活迫人的關係, 會希望旅行可以減輕壓力.......又或許是因為實在太大壓力, 令我在這次旅行中完全感受到旅行減壓的威力 !!

海南島三亞...一個有"東方夏威夷"之稱的地方, 未去之前, 沒什麼期望, 因總是覺得中國地方好不到那裡.... 心想又是中國, 我真的想離開我壓力來源的祖國一下....

事實証明錯晒, 沒有想過所費無幾就可以住在天堂般的 resort, 亦沒有想過原來祖國有這樣的一面......只要置身其中, 便會以為所有事情都是發生在外國, 水清沙幼, 風景一流, 只是游游水, 晒晒太陽, 望望周邊風景, 玩玩水上活動, 已經可以完全令你拋開所有壓力及煩惱, 輕鬆自在,這樣才叫享受!!!

這回真的 recharge 不少呢.......係時間回到現實啦, 努力努力....!!

豆豆~~~~~~

慘!! 開始要為自己個樣而擔心~~~

近2個月塊面狂生豆豆, 原本都係抱住自然會好既心態, 但唔理唔理..好似越見嚴重....

可能潛意識自己都接受唔到, 所以今日行行下街, 心血來潮入左某品牌護膚店問問意見, 個sales 第一句就中晒point, 問我" 唔好介意呀小姐, 你係咪近排壓力好大? " .... 好驚, 甘都知? 你o甘專業, 唯有交下學費....
就係o甘, 走o個陣就帶住期待會靚番既心情同一大袋野....當然仲有放低左幾張金牛啦 ......!!

唉...原來賺來的錢是用來醫治賺錢時產生的副作用....激死 !!

雙親~~~~

今日約了爸爸媽媽去銅鑼灣食飯....

今晚去食佢地好鐘意既印尼菜.......間餐廳無論服務, 食物水準同價錢都好ok.....
情義結關係,老豆落單o個陣同個姐姐仔用印尼話溝通......真係呆左....

好享受一家人談天說地的感覺.....
在我心目中, 佢地係一對大細路, 甚容易滿足, 極容易取悅, 我們吃飯總是離不開笑聲...
從他們身上, 絕對能體會到什麼是平凡的幸福......
在他們身邊, 絕對能感受到實實在在的安全感......

哈哈....他們真的很可愛呢 ~~~ ^O^

海水香~~~~~

嘩....我愛海.....愛沙.....愛廣闊的環境....愛渡假的感覺....

還是選擇為日後能享受而努力工作......這樣才是人生!!!!! :)