Friday, August 31, 2007

你的離開~~~~~~

全個星期都心不在焉....工作確實出了亂子...倒數的這幾天...每天只想著怎麼能感動你...
今天總算達到目的,沒有白費通頂的製作...

已分不清是與你10年的友情還是過去1年的同事感情....看到片段..心酸了...原來還是忍不住..
感受到你跟其他同事建立的深厚感情,從心感動...雖然反過來說好像令我們遠了...但只要你快樂,也沒所謂吧...

大家為的只是希望你快樂...最近的煩惱....暫且放下可以嗎...??
愛您的人,其實已包圍在您身邊...試試慢慢敞開你深層的想法讓大家更了解你...到時可能會發現不只他能做得到....

怎樣也好,憑自己的心出發吧,永遠在你身旁支持你 ^o^

http://www.youtube.com/user/yoyoyiu723

Tuesday, August 21, 2007

奇遇~~~~~~~~

最近bunchu成日都嘈,唔知做咩,想搵醫生架啦,不過唔知邊間好,於是今日見得閒就帶佢去元朗睇下~~
點知原來o向元朗搵間似樣d既都冇.....路過一間整車牌既舖,突然想幫bunchu換個新形象,就入左舖......之後就俾我遇上一位整車高人....

高人叫Uncle allen,把口停不了,擁有15年整車經驗,碩士生,外表係成熟型的整車佬,雙眼信心爆掤,操一口流利英語...原本話要帶部corolla去驗車,唔得閒理我,之後我既誠意終於令佢即時肯幫我睇睇bunchu既情況, 以下是之後發生的事..

我跟佢尾去左元朗大昌運輸處指定的驗車中心驗車,之後好神奇所有staff都同佢揮手打招呼,佢問求其一個都會好有禮貌回應佢...Uncle allen問我知唔知點解...唔識答..佢話大昌老細係佢同學d學生.....

同學?學生? 原來佢以前o向外國學正規整車課程,依家係好多維修汽車課程的導師...所以大昌老細都要俾面佢
仲有佢係仁孚出身,好多人都識佢, 可以隨時衝入去o個隻

佢放低架corolla之後,上左bunchu,開車試"嘈"既原因, 睇見真係嚇死, 佢一邊開車, 一邊開住車門聽外面d聲" woo...woo..."...跟住問我"你係咪前後look換過???心諗甘你都知???

之後就好似上堂甘, 佢一邊開車, 一邊講外國整車既理念及方法...講香港車房既問題....講好多專業terms!!

之後就去左佢車場check bunchu, 俾我睇佢地既工場,用既特別儀器,參觀放o向佢車場既benz寶馬,又參觀佢office超勁既汽車資料database,只要選型號,就show晒該款車所有標準,內部結構,零件parts尺寸,每part維修時間,會出現的問題清單等,仲用左個樣勁先進既探測儀,測試bunchu內部零件情況,data即時輸出,佢即時分析....

肯好大置沒問題,佢仲讚bunchu情況良好,暫時沒有內傷, 現在出現既問題,十成九係外傷...
跟住去左佢車場附件一條路教我點試車,呢條路雖然係公開的,但係佢專用來試車的,因為有不同路面情況..可以測試不同功能....結果break都冇事,過博冇雜音,死氣喉都冇問題

最後係要升起bunchu睇埋個底,有機會係樞有事....但因為需時,時間又不早,所以就另約一日再check,原定下星期四,傾下傾下...佢話如果係平日上午,可以安排下次約負責jazz o個條product line既honda staff陳x強,揸一下bunchu俾俾comment...再check.....

又一次嚇死..駛唔駛甘堅??!!....高人同我講如果約到記得要送盒月餅俾陳x強...
就係甘...高人就幫我check左2個多小時, 仲傳授左好多關於汽車的知識俾我.....真係一d都唔簡單...

check 車幾$$? 平個市價, $200, 包2小時一對一汽車維修課程, 真係數爆!!!!!!!!
但諗深一層,點解佢要甘做? 真的只為賺那$200 嗎??? 只為了賺取一個新客的信心嗎??
再諗諗,一個女仔跟住一個剛相識的人在元朗試車試了2小時, 真的不怕嗎?不怕遇上壞人嗎??

想不了這麼多,反正只知道這晚確實給我遇上了一位高人,碰上了沒有想過的奇遇....really amazing!!!!

Friday, August 17, 2007

8月難忘的一個party

每次舉辨活動,堅持一個都不能少,次次都希望製造surprise,背後目的都是想提供一個平台,讓大家玩得開心,希望大家可以相處融融洽洽,有一家人既感覺...

家人慢慢增多,要希望每一個成員都能開懷,確實不易...對我來說,只要見到大家快樂,我已經感到滿足.....

人...是有感情的..家人的離開,難免帶點傷感...
知道淚水不是因為不想你離開而落下,只是對過去一同經歷的事有感觸而已....

"這是一個過程,過了就會成為大家的經歷" ... 最緊要繼續向前看....未來數月..要擔負兩個人手的工作...真的要加油!!!!你也要努力適應新環境呀~~






謝謝大家這晚投入的參與,希望大家都覺得開心啦~ 哈哈~

Wednesday, July 11, 2007

奇特的管理方法 ~~~~~~~~~~~

女魔頭又一力作....

為了節流,放lunch放工前半小時嚴禁開冷氣...試問33度高溫, 點可以在一個唔太通風的環境沒有空調工作?
為了鼓勵大家學習, 培訓不合格就要炒....這究竟是什麼鼓勵方式?? 真的有人明你的苦心嗎???
為了啟發大家思維, 叫一個清潔呀姐寫 "怎樣算是一間好公司,一個好領導", 想問你期望唔識字的阿姐會有什麼答案??

費解.....

Thursday, July 05, 2007

UR~~~~~~~~

看見胖胖的雙腳...3個月的身紀..有點想吐....ur~~~~~~~~~~~~~~~

Thursday, June 28, 2007

一切從搭錯車開始~~~~~~~~~~

8:00
上了269B巴士,1分鐘後想起原來要去灣仔入境署影證件相,點解會上左去尖沙咀既車架????

9:00
轉回過海車,點知到了上環爆塞車,如果繼續塞到灣仔,一定趕不及10:00簽證....

9:05
考慮了5分鐘,架車塞到中環,唔等啦..博一博希望上環運輸署都有得影證件相,想落車之際...個天落狗屎...

9:15
全身濕晒從中環行返上環,找到影證件相的地方,問影美國簽證證件相要幾耐,點知服務員話"呢部機影唔到美國簽證的規格架喎"...SHIT!!之後話中環MTR內的即影即有機可以..於是即刻走...

9:20
哎...又要濕住身從上環行返中環...途中好黑地個"豆令鞋爭"插左入地面既小洞..行唔到..

9:30
好辛苦終於跑到中環MTR內的即影即有機,好開心甘準備入錢....點知畫面寫住"out of service".火都黎!!!!!

9:40
問左MTR職員邊個站會有,知道金鐘有,轉身就"DU"入去搭一個站...

9:45
終於影到啦!!!得番15分鐘,最快方法當然係爆的士去領事館.....

9:50
去到的士站...人多到冇15分鐘都唔駛指意上到車....點算呀????? 諗左3秒,決定""行""

10:00
冒住雨,濕住身著住高跟鞋跑上半山既領事館,終於到啦...... 先發現原來仲要排隊...唔駛準時到架!!!總之唔駛甘駁啦 ....真係激死我啦啦啦!!!!!!

Tuesday, June 12, 2007

Shiraz night ~~~~~~~~~~

忍不住了...今天晚上我們即興搞了個Shiraz night...





First time taste "SHIRAZ"...so special ~~



Tasting notes :

um...Shiraz單寧重,帶點spicy,沒有"V.V."這麼有深度,比起"cabsou"酒味吞不下...
2支wine屬同年份,同出產國,同是香氣重及濃度高,但彼此層次卻有不同...比較來說,WYNDHAM ESTATE 傳統d,JACOB CREEK 似FUSION..味道特別d....

正正正...wow...下一步要認認真真上一課..正式認識我的新朋友red wine !!!!!!

Saturday, June 02, 2007

wait & see ~~~~~~

跟紅酒有關嗎??
這次明顯跟以往不同....我這次沒有以前這麼懂得包裝...說一就一,二就二..其實早有心理準備你是有話說給我聽,不過想不到會是這件事...頭2秒呆了一下...忍不住讓心想的要推出來...

話說出了就不可以收...當然明白原因是一時之氣,但確是受到影響..令想法...有點歪了....
我問自己,這樣真的可以持續嗎?? 真的會發生你說的情況嗎?? 如果是, 原則一定要守的...這是堅持..等著瞧吧!!!!

Tuesday, May 29, 2007

上課 ~~~~~

今天上了一整天HR的課....
課堂上同學們一貫被被動動...但我就心口一個勇字,完全唔驚舉起手說 "我想試試"..
心諗成千蚊一日架,唔主動d 真係蝕底...
結果被阿sir磋了銳氣,但這樣的學習方法才來得深刻,唔試過又點知?

班內約有40多人,同學間不乏學歷高及經驗老到的...有些看起來只是年輕爸爸幾年...
真搞不懂為何工作了7年..我仍然是班中最年輕的一個?? 為什麼這一行的人這樣成熟? 沒有新血加入嗎? 同學一看我就說我很年輕...看來我得令自己再成熟一點...給人較穩重的感覺才行!!

Monday, May 28, 2007

疼自己~~~~~

為了慶祝成功舉辦chinaplas,中午去了工廠區內罕見的高級餐廳,嚐了一頓高級午餐,享受了2004 chili merlot~~ lunch time 飲紅酒,真過癮!!

為了平伏下午一個消息帶來的不愉快,傍晚豪爽地買了一支香水送給自己~~

為了獎勵自己肯去為收身付出時間,深夜不理後果地大吃媽媽為我預備的愛心炒飯..好味~

始終疼鍚"自己"是最值得,起碼不會自己hurt自己...

Thursday, May 17, 2007

BLACK SON ~~~~~

最近喜歡吃什麼??? 3個字..... "牛肉乾" ~~~>.<~~~~~ SHIT !!

Sunday, May 13, 2007

^o^ ~~~~~

聽到妳的轉變....見妳"改邪歸正".....真開心^o^

好運將會跟住我地....唔再"black son" 架啦,哈哈哈!!!!!

等緊你o個餐呀!!!!!!!!!!!儲定$呀唔該

Thursday, May 10, 2007

工作狂~~~~~

開始懷疑自己是不是有工作狂....明明睡前病到想死...第二朝搭車返工仲頭暈暈...但一投入工作就突然痊癒...好似開左TURBO做做做....勁精神....之後一放工...就變返死魚....死死下....跟住一返工又冇事...

>.< 是病態嗎??

Thursday, May 03, 2007

莊子小故事~~~~~~

從前有3個當醫師的兄弟....
一日, 皇帝問排行第3,年紀最小但城中最出名的老三, 問他誰的醫術最高明...他說大哥最棒,之後是老二, 最差的是自己...

皇帝好奇問...為什麼呢?明明你是最有名氣的..
老三說: 老二懂得在病情尚淺時便及時根治人們的疾病...大哥更厲害,懂得在人們還沒有發病便教會大家如何防止生病...而我,只懂在人們患了重病的時侯才把他們醫好...雖然醫好, 但必竟那些人的身心機能已經受到損害...我不能回復他們已往最佳的狀態...所以我說自己是最差的...

道理是從心體會的...人生經驗不同....體會到的也會有偏差...你明白什麼呢?? 會跟我一樣嗎??

Monday, April 16, 2007

Struggle ~~~~~~~~~~~

有時真的很難作決定,要做到"公私分明"其實不易...究竟要顧全大局,還是要擴大寬限勸,避免有誤會??
想了很久...明白會令你們不安...但幸好你們明白我...我知道只要你們明白..你們會原諒我的~

"Fair Policy Vs Flexibility" if i am not an admin dept head, i think i can handle this better.

saiwing,your comment is really help....I'm better now, thx ~

Wednesday, April 11, 2007

進入 RED WINE 既世界~~~~~~

同朋友仔睇完電影節既電影...食左餐反...行埋H&M 都只係晚上9點幾...難得結伴來到港島, 一於SOHO下..
進了間BUDDA BAR...以為會有D特別既COCKTAIL飲...點知酒牌得幾款COCKTAIL..TB LOOK既酒保就走過來同我地講"呢度主要係飲RED WINE,所以冇咩COCKTAIL 選擇"..佢可能會以為我們會失望..剛剛相反...我地興奮得不得了..因為其實我地係想搵有得飲紅酒既地方~~



天助我地也..由於BAR沒其他客人..我地便豪不客氣地向酒保姐姐請教..問問紅酒既種類..問問她的心得..問問應該怎麼持酒杯..怎樣品酒..哈哈...酒保姐姐好好人..竟然開左2支酒俾我地試..

第一次認真細味2支紅酒..嗅一嗅...試一試..比較一下..然後形容自己的感覺..好得意..入門版既CABERNET SAUVIGNON 同MERLOT 都甚易入口..但只要細嚐一下, 不難分辦出它們的深度之別.
真的享受...與三五知己品品酒,聊聊天的感覺...確實不錯~

紅酒不像烈酒那樣容易醉..也沒有啤酒那樣容易吐脹不適..喝完red wine..心曠神怡..一個字..relax ~~~

出事了..愛上了它...很想很想再了解多一些啊~

Tuesday, April 10, 2007

"吊針"治療!!!!!!!!!!!!!!!!!!! ~~~~~~~~~~



這是今天的新聞.... 想不到同期發生這樣的慘事... 真係嚇死...
好彩冇事>.< ...勸喻大家千萬千萬千萬不要在大陸" 吊針" , 寧願花多些$, 回香港好好治療 !!

難得一見 ~~~~

從未見過你如此軟弱的身驅.....酒精已令你神智不清...其實那天真的想發你脾氣...但見你呆坐的神情...不斷在說服自己不要吐...實在嬲不下...那刻只懂忙著為你安排一切...希望你能舒服些~

酒後吐真言...記得你從心以發的幾句說話....9年來未見過你這種表達方式...要堅持啊!!

翌日你証實患了腸炎...我們體驗了國內醫護人員不知所謂的"專業"態度和服務...最後決定要以"吊針"醫治..真的擔心病情會惡化..嘗試跑了兩趟想問個究竟...但卻什麼也幫不上..竟然哭了...在你面前就是這麼的軟弱..那時會怪自己沒用...幸好最後沒事..心情才平伏些..十小時後...你的眼神漸漸回復以往的神韻...像在告訴我..你已慢慢康復了~

因為病倒,要避迫取消餘下的旅程,其實有點掃興...但對我來說...可算是難忘的經歷...難得見到那一面的你...雖然難得..但不是想有下一次..要小心身體才對啊!!!

Tuesday, April 03, 2007

有進展~~~~~~

好像....好像行前了一小步.....感覺尚可~